Futbolchilik faoliyati bilan tanilgan Aleksandr Mostovoy PSJ safidagi rossiyalik darvozabon Matvey Safonovning o'yinlari haqida fikr bildirdi. Uning aytishicha, Safonov Parij klubida berilayotgan imkoniyatdan unumli foydalanmoqda, biroq jamoaning kuchi juda yuqori bo'lgani uchun darvozabonning darajasiga aniq baho berish oson emas. Bu haqda euro-football.ru xabar beradi.
Mostovoy PSJ misolida darvozabonlar bahosi ko'pincha vaziyatga bog'liq bo'lishini ta'kidladi: “PSJda bir o'yinda darvozangga atigi ikki marta zarba bo'lishi mumkin, boshqa jamoada esa 20 marta tepishadi. Shuning uchun xulosa qilish qiyin. Baribir ayb topadigan jihatni topish mumkin”, — deya uning so'zlarini “Chempionat” nashri keltirdi.
Eslatib o'tamiz, chorshanba kuni PSJ Yevropa Chempionlar ligasida o'z maydonida “Monako” bilan 2:2 hisobida durang o'ynadi. Ikki uchrashuv natijasiga ko'ra parijliklar 5:4 hisobida ustun kelib, 1/8 finalga yo'l oldi. Keyingi bosqichda PSJning raqibi “Barselona” yoki “Chelsi” bo'ladi.
“Zamin”ni Telegramʻda oʻqing!
