Avvalroq mashhur bo‘lgan futbolchi Aleksandr Mostovoy PSJ darvozaboni Matvey Safonovning Parijdagi o‘yinlari haqida fikr bildirdi. Uning aytishicha, rossiyalik posbon berilgan imkoniyatdan foydalanishga harakat qilmoqda, biroq jamoa darajasi juda yuqori bo‘lgani uchun darvozabon haqida aniq xulosa chiqarish oson emas. Bu haqda euro-football.ru xabar beradi.
Mostovoy PSJda darvozabon ko‘pincha kam ish bilan band bo‘lishini ta’kidladi: bir o‘yinda raqiblar atigi bir-ikki marta darvozaga zarba berishi mumkin, boshqa jamoalarda esa bir uchrashuvda 20 martalab sinov bo‘ladi. Shu sababli, uning fikricha, Safonovning o‘yiniga baho berishda shoshilmaslik kerak, baribir tanqid uchun bahona topiladi.
Chorshanba kuni PSJ Chempionlar ligasida o‘z maydonida “Monako” bilan 2:2 hisobida durang o‘ynadi. Ikki uchrashuv natijasiga ko‘ra parijliklar 5:4 hisobida ustun kelib, 1/8 finalga yo‘l oldi. Keyingi bosqichda PSJga raqib sifatida “Barselona” yoki “Chelsi”dan biri to‘g‘ri keladi.
“Zamin”ni Telegramʻda oʻqing!
