Rossiyalik sobiq futbolchi Aleksandr Mostovoy PSJ darvozaboni Matvey Safonov haqida fikr bildirdi. Uning aytishicha, Safonov Parij klubida berilgan imkoniyatdan foydalanishga harakat qilmoqda, biroq jamoaning yuqori darajasi fonida darvozabon o'yinidan aniq xulosa chiqarish oson emas. Bu haqda euro-football.ru xabar beradi.
Mostovoy ta'kidlashicha, PSJ safida darvozabon bir o'yinda atigi bir-ikki marta zarbani qaytarishi mumkin, boshqa jamoalarda esa darvozaga 20 martagacha zarba yo'llanishi ehtimoli bor. Shu sababli, uning fikricha, baho berishda shoshilmaslik kerak, baribir kamchilik topish mumkin.
Chorshanba kuni PSJ Chempionlar ligasida o'z maydonida «Monako» bilan 2:2 hisobida durang o'ynadi. Ikki o'yin natijasiga ko'ra parijliklar 5:4 hisobida ustun kelib, 1/8 finalga yo'l oldi. Ushbu bosqichda PSJning raqibi «Barselona» yoki «Chelsi» bo'ladi.
“Zamin”ni Telegramʻda oʻqing!
