Rossiyalik sobiq futbolchi Aleksandr Mostovoy PSJ darvozaboni Matvey Safonovning parijliklar safidagi o'yinlari haqida fikr bildirdi. Uning aytishicha, Safonov berilgan imkoniyatdan foydalanishga harakat qilmoqda. Bu haqda euro-football.ru xabar beradi.
Shu bilan birga, Mostovoy PSJning kuchli darajasi sabab darvozabon faoliyatini baholash mushkulligini ta'kidladi. «PSJda bir o'yinda darvozangga atigi ikki-uch marta zarba bo'lishi mumkin, boshqa jamoada esa 20 marta tepishadi. Shuning uchun xulosa chiqarish qiyin, baribir yopishadigan joy topiladi», — dedi u.
Chorshanba kuni PSJ Chempionlar ligasida o'z maydonida «Monako» bilan 2:2 hisobida durang o'ynadi. Ikki uchrashuv natijasiga ko'ra parijliklar 5:4 hisobida ustun kelib, 1/8 finalga yo'l oldi. Keyingi bosqichda PSJning raqibi «Barselona» yoki «Chelsi» bo'ladi.
“Zamin”ni Telegramʻda oʻqing!
