Futbolchi sifatida tanilgan Aleksandr Mostovoy PSJ darvozaboni Matvey Safonovning o‘yinlari haqida fikr bildirdi. Uning aytishicha, rossiyalik posbon Parij klubida berilayotgan imkoniyatdan foydalanishga harakat qilmoqda. Bu haqda euro-football.ru xabar beradi.
Shu bilan birga, Mostovoy PSJning kuchli darajasi sabab Safonov haqida aniq xulosa chiqarish oson emasligini ta’kidladi. «PSJda butun o‘yin davomida darvozangga ikki marta zarba bo‘lishi mumkin, boshqa jamoada esa 20 marta urishadi. Shuning uchun baho berish qiyin, baribir tanqid qilishga nimadir topiladi», — deya Mostovoyning so‘zlarini «Chempionat» keltirdi.
Chorshanba kuni PSJ Chempionlar ligasida o‘z maydonida «Monako» bilan 2:2 hisobida durang o‘ynadi. Ikki uchrashuv natijasiga ko‘ra parijliklar 5:4 hisobida ustun kelib, 1/8 finalga yo‘l oldi. Keyingi bosqichda PSJning raqibi «Barselona» yoki «Chelsi» bo‘ladi.
“Zamin”ni Telegramʻda oʻqing!
