Rossiyalik sobiq futbolchi Aleksandr Mostovoy PSJ darvozaboni Matvey Safonov haqida fikr bildirdi. Uning aytishicha, Safonov Parij klubida berilayotgan imkoniyatdan foydalanishga urinmoqda, biroq jamoa darajasi juda yuqori bo‘lgani uchun darvozabon o‘yiniga aniq xulosa chiqarish oson emas. Bu haqda euro-football.ru xabar beradi.
Mostovoy PSJda darvozabonga o‘yin davomida kam zarba bo‘lishi mumkinligini ta’kidladi: ayrim uchrashuvlarda darvoza tomonga atigi bir-ikki marta zarba yo‘llanadi, boshqa jamoalarda esa bu ko‘rsatkich 20 tagacha yetishi mumkin. Shu bois, uning fikricha, baribir tanqid qilish uchun bahona topiladi.
Eslatib o‘tamiz, chorshanba kuni PSJ Yevropa Chempionlar ligasida o‘z maydonida «Monako» bilan 2:2 hisobida durang o‘ynadi. Ikki o‘yin natijasiga ko‘ra parijliklar 5:4 hisobida ustun kelib, 1/8 finalga yo‘l oldi. Bu bosqichda PSJning raqibi «Barselona» yoki «Chelsi» bo‘ladi.
“Zamin”ni Telegramʻda oʻqing!
