Futbolchilik faoliyati bilan tanilgan Aleksandr Mostovoy PSJ safidagi rossiyalik darvozabon Matvey Safonov haqida fikr bildirdi. Uning aytishicha, Safonov Parijdagi imkoniyatidan unumli foydalanishga harakat qilmoqda. Bu haqda euro-football.ru xabar beradi.
Shu bilan birga, Mostovoy darvozabonning o'yinini aniq baholash mushkul ekanini ta'kidladi. Sababi PSJ darajasidagi jamoada darvozaga bir uchrashuv davomida atigi bir-ikki marta zarba bo'lishi mumkin, boshqa klublarda esa posbon 20 martagacha sinovdan o'tadi. «Shuning uchun xulosa chiqarish qiyin, baribir ilashadigan jihat topiladi», — deya Mostovoyning so'zlarini «Chempionat» keltirdi.
Chorshanba kuni PSJ Chempionlar ligasida o'z maydonida «Monako» bilan 2:2 hisobida durang o'ynadi. Ikki o'yin natijasiga ko'ra parijliklar 5:4 hisobida ustun kelib, 1/8 finalga yo'l oldi. Bu bosqichda PSJning raqibi «Barselona» yoki «Chelsi» bo'ladi.
“Zamin”ni Telegramʻda oʻqing!
