Mason Greenwoodning Liga 1dagi faoliyati kutilmaganda yakuniga yetishi mumkin. Angliya Premer-ligasiga shov-shuvli qaytish haqidagi mish-mishlar kuchayib bormoqda, ayniqsa futbolchining Marsel klubidagi ichki ziddiyatlari uning ketishini deyarli muqarrar qilib qo'ydi. Bu haqda Goal.com xabar beradi.
Xabarlarga ko'ra, 24 yoshli hujumchining bosh murabbiy Habib Beye bilan munosabatlari yomonlashgan. Garchi maydondagi statistikasi yaxshi bo'lsa-da, mashg'ulotlardagi intizomi va klub afsonasi Kristof Dyugarrining tanqidiy fikrlari Marsel rahbariyatini uni sotish haqida o'ylashga majbur qilmoqda.
OAVda Greenwoodning Tottenxemga o'tishi va Roberto De Zerbi bilan qayta birlashishi haqida gap-so'zlar tarqaldi. Biroq, muxlislar va klubdagi ichki qarshiliklar sababli bu transfer deyarli imkonsiz hisoblanadi. Tottenxem rahbariyati bunday qadamdan voz kechgan.
Shunga qaramay, hujumchiga Yevropaning boshqa grand klublari qiziqish bildirmoqda. Yuventus va Atletiko Madrid futbolchini o'z safiga qo'shib olish uchun uzoq muddatli rejalarni ishlab chiqmoqda. Ayniqsa, Yuventus uni tarkibni kuchaytirish uchun asosiy nomzod sifatida ko'rmoqda.
“Zamin”ni Telegramʻda oʻqing!
