Feyenoord himoyachisi Givairo Read yozgi transfer oynasida klubini o‘zgartirishi mumkinligini yashirmadi. 19 yoshli futbolchi AZ Alkmaar bilan kechgan bahsdan so‘ng, unga qiziqish bildirayotgan jamoalar borligini va kelajagi borasida hali yakuniy qarorga kelmaganini ta’kidladi. Bu haqda Goal.com xabar beradi.
Bavariya klubi yosh himoyachini o‘z safiga qo‘shib olishni maqsad qilgan, biroq transfer summasi bo‘yicha kelishmovchiliklar yuzaga kelmoqda. Feyenoord futbolchi uchun 30 million yevro talab qilmoqda, Bavariya esa uning jarohatlar tarixi va tajribasini inobatga olib, bu narxni yuqori deb hisoblamoqda.
Read joriy mavsumda Eredivisie doirasida 53 ta o‘yinda maydonga tushib, 16 ta samarali harakatni (5 ta gol va 11 ta golli uzatma) amalga oshirdi. U Chempionlar ligasi va Yevropa ligasi tajribasiga ham ega bo‘lgan zamonaviy qanot himoyachisi hisoblanadi.
Vaziyat yanada murakkablashishi mumkin, chunki Manchester Siti ham iqtidorli himoyachini kuzatishda davom etmoqda. Agar Manchester Siti transfer uchun jiddiy kirishsa, futbolchining narxi yanada oshishi ehtimoli bor, ayniqsa uning Rotterdam klubi bilan shartnomasi 2029-yilga qadar mo‘ljallangan.
“Zamin”ni Telegramʻda oʻqing!
