"Heroes of Might and Magic: Olden Era" o'yini dastlabki uch kun ichida 500 ming nusxada sotildi. "Unfrozen" studiyasi ishlab chiqqan ushbu loyiha qisqa vaqt ichida katta muvaffaqiyatga erishdi. Bu haqda Ixbt.com xabar beradi.
Ma'lumotlarga ko'ra, o'yinning dastlabki 24 soatida 250 ming nusxa sotilgan. Bu ko'rsatkich loyihani ishlab chiqish xarajatlarini to'liq qoplash uchun yetarli bo'ldi.
Hozirda o'yin Steam platformasida "juda ijobiy" bahoga ega bo'lib, 7100 dan ortiq sharh qoldirilgan. Shuningdek, bir vaqtning o'zida o'ynayotgan foydalanuvchilar soni 61 ming kishiga yetdi.
Loyiha hozirda 25 foizlik chegirma bilan sotilmoqda va Game Pass xizmatida ham mavjud. Ishlab chiquvchilar foydalanuvchilarning qo'llab-quvvatlashidan minnatdor ekanligini bildirib, o'yinni yanada rivojlantirishga va'da berishdi.
“Zamin”ni Telegramʻda oʻqing!
