Yandex jamoasi servis statistikasi boʻyicha qiziqarli maʼlumotlar bilan boʻlishdi. 2026-yil boshiga kelib, Yandex ID oilaviy guruhlari 67,2 million rossiyalik akkauntni oʻz ichiga oldi, bu esa servisning kundalik auditoriyasining yarmidan koʻpini tashkil etadi. Rossiyada har kuni jami 114 million foydalanuvchi Yandex ID xizmatidan foydalanadi. Bu haqda Ixbt.com xabar beradi.
Bir yil ichida oilaviy guruhlar soni 25 foizga oshib, 27,9 millionga yetdi. Ayniqsa, toʻrt va undan ortiq ishtirokchidan iborat katta guruhlar soni tez surʼatlar bilan oʻsmoqda — ularning miqdori 41 foizga koʻpaygan. Bu tendensiya foydalanuvchilar oʻrtasida raqamli resurslarni birgalikda boshqarish madaniyati rivojlanayotganini koʻrsatadi.
Oilaviy guruhlar bir nechta foydalanuvchiga Yandex Plus obunasidan birgalikda foydalanish va Yandex servislaridagi xaridlarni yagona bank kartasi orqali amalga oshirish imkonini beradi. Karta egasi toʻlovga ruxsat berish jarayonini mustaqil sozlaydi, limitlar oʻrnatadi va barcha pul yechilishlarini nazorat qilib boradi.
2025-yil davomida foydalanuvchilar oilaviy kartalar yordamida 10,8 milliondan ortiq toʻlovlarni amalga oshirishgan. Statistikaga koʻra, guruh aʼzolari koʻpincha taksi xizmati, oziq-ovqat mahsulotlari va tayyor taom yetkazib berish xizmatlari uchun shu usulda haq toʻlashni afzal koʻrishmoqda.
“Zamin”ni Telegramʻda oʻqing!
