Япония Тунисни йирик ҳисобда мағлуб этди

FIFA Жаҳон чемпионати гуруҳ босқичидан ўрин олган учрашувда Япония терма жамоаси Тунисни 4:0 ҳисобида мағлуб этди.

Ўйиннинг 4-дақиқасида Даичи Камада ҳисобни очди ва жамоасини олдинга олиб чиқди.

Кейинчалик Аясе Уеда 31 ва 83-дақиқаларда икки марта рақиб дарвозасини ишғол қилди.

Японларнинг яна бир голига 69-дақиқада Дзюн Ито муаллифлик қилди.

Статистикага кўра, Япония ўйин давомида устунлик қилди ва тўпга эгалик қилиш бўйича 57 фоиз кўрсаткич қайд этди.

Шунингдек, япон футболчилари 10 та зарба бериб, шуларнинг 5 тасини дарвоза томон йўллади.

Ушбу ғалабадан кейин Япония 2 та ўйинда 4 очко тўплаб, Ф гуруҳида иккинчи ўринга кўтарилди.

Гуруҳда Нидерландия ҳам 4 очко билан пешқадам бўлиб турибди. Швеция ҳисобида 3 очко мавжуд бўлса, Тунис икки турдан кейин очкосиз қолмоқда.

Япониянинг плей-офф босқичига чиқиш масаласи сўнгги турда ҳал бўлади.