Хулиан Алварес «Атлетико Мадрид»дан кетиш ниятини билдирди, «Барселона» қарорини кутмоқда

Хулиан Алварес Жаҳон чемпионатидан кейин «Атлетико Мадрид»га қайтишни истамаётганини очиқ айтди. Аргентиналик ҳужумчи клубдаги келажаги бўйича масъуллар билан гаплашганини ва трансфер барча томон учун мақбул ечим бўлиши мумкинлигини билдирди.

«Ҳозир бу ҳақда гапириш вақти эмас, лекин яшира олмайман. Клубдаги керакли инсонлар билан гаплашиб олдим. Менинг трансфер қилинишм барча учун яхши ечим бўлади. Мен ўз орзумни амалга оширишни истайман», деди Алварес.

Кадена СEР маълумотига кўра, «Барселона» футболчидан «Атлетико Мадрид»ни тарк этиш истагини омма олдида айтишни сўраган. Алварес бу қадамни ташлади. Энди каталонияликлар музокараларни амалий босқичга ўтказиши кутилмоқда.