Фото: Telegram/sprava_by
Беларуслик сиёсий маҳбус Мария Колесникова отаси билан учрашди — 2023 йил февралдан бери у билан алоқа йўқ эди. Учрашув суратини Telegramʼдаги Nexta каналининг собиқ бош муҳаррири Роман Протасевич эълон қилди.
Суратда Колесникова отасини қучоқлаб, табассум қилаётганини кўриш мумкин.
Протасевичнинг постдан келиб чиқадики, учрашув 12 ноябр куни бўлиб ўтган. Бошқа тафсилотлар, жумладан, учрашув қаерда бўлиб ўтганига ойдинлик киритилмаган.
«Наша Нива» нашрининг маълум қилишича, Колескинованинг отаси билан учрашуви қамоқхона касалхонасида бўлиб ўтган. Бу ҳақда журналистларга собиқ сиёсий маҳбуслар хабар берган — улар сурат орқали ушбу жойни таниган.
Колесникова қамалганидан мазкур учрашувга қадар отаси уни фақат бир маротаба кўришга муваффақ бўлган — 2022 йил охирида қамоқхона касалхонасида. Охирги маротаба Колесниковалар оиласи унинг номидан 2023 йил февралда мактуб олган. Шундан кейин сиёсий маҳбус ҳақида у билан битта колонияда бўлган ва озодликка чиқанлар орқали бохабар бўлиб турилган.
Мария Колесникова 2020 йилги Беларус президентлиги сайловларида мухолифатнинг энг ёрқин вакилларидан бири эди. У ўша йилнинг сентябрида қўлга олинган. Бундан олдин Колесниковани Беларусдан куч билан олиб чиқишга уринишган эди, аммо аёл чегарада ўз паспортини йиртиб ташлаган. Куд Колесниковани «ҳокимиятни эгаллаш»га уриниш ишида айбдор деб топиб, 11 йилга озодликдан маҳрум этган.
Октябр ойида Беларус раҳбари Александр Лукашенко сиёсий маҳбуслар, жумладан, Мария Колесникованинг афв этиш ҳақидаги илтимосларини кўриб чиқишга тайёр эканини маълум қилганди. «Бизда қонун бор: киши ўз айбини англаб, (кўплаб бошқа мамлакатларда бўлгани каби) кечирим сўраб, президентга мурожаат қилса, буни кўриб чиқамиз. Колесникова билан ҳам шундай», — деган эди Лукашенко. “Замин” янгиликларини “Youtube”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Иммунитетни кўтариш учун 6 та энг яхши витамин
НАТО собиқ қўмондони: “Путин Украинанинг тахминан 20 фоизини қўлга киритади”
Украина ҚК бош қўмондони: “Фронтдаги вазият мураккаб ва кескинлашиши мумкин”
Трамп Путинга қўнғироқ қилиб, Украинадаги урушни муҳокама қилди
Россия Курск вилоятидаги ҳудудларини қайтариб олишга 50 минг ҳарбий тўплади
Томошабинлар нафратига учраган, саратонни енгган турк актрисаси — Ваҳиде Перчиннинг мураккаб тақдири
Фронтдаги вазият: Россия ҳарбийлари Курск областида қарши ҳужумга тайёрланмоқда
Трампнинг ўғли Зеленский яқин орада «нафақадан» маҳрум бўлишини ёзди
