АҚШ Эрон ядровий қуролга эга бўлишига йўл қўймаслигини билдирди

АҚШ президенти Доналд Трамп Вашингтон Эроннинг яқин келажакда ядровий қуролга эга бўлишига мутлақо йўл қўймаслигини таъкидлади.

У бу фикрларини Эроннинг ядровий дастури бўйича изоҳ бериш чоғида билдирган. Трампнинг сўзларига кўра, бу жараён жуда тез орада якунланиши мумкин ва АҚШ бундай қурол пайдо бўлишига қарши қатъий чоралар кўради.

17 апрель куни у яна бир бор АҚШ ва Эрон вакиллари бойитилган уранни мамлакатдан олиб чиқиш бўйича ҳамкорлик қилаётганини маълум қилган. Шунингдек, Теҳрон ядровий дастурини вақтинчалик тўхтатишга тайёр экани, бироқ музлатилган активлар масаласи ҳали очиқ қолаётгани айтилган.

АҚШ президенти фикрича, Эрон билан бўладиган эҳтимолий келишув шартларининг аксарияти аллақачон келишиб олинган.

Nigina Zarqarayeva

«ZAMIN.UZ» муҳаррири

+ Zamin.uz сайтини Googleга қўшинг