22:22 / 21.08.2020
1 323

Россиянинг иккинчи вакцинаси октябрда тайёр бўлиши мумкин

Россиянинг иккинчи вакцинаси октябрда тайёр бўлиши мумкин
Фото: RT
«Роспотребнадзор» Россиянинг коронавирусга қарши иккинчи вакцинаси октябрь ойида рўйхатдан ўтишга тайёр бўлиши мумкинлигини маълум қилди.

Дори «Вектор» маркази томонидан тайёрланяпти.
Вакцина клиник синовларининг иккинчи босқичи сентябрь ойида ниҳоясига етади. Синовлар натижалари олинганидан сўнг рўйхатдан ўтишга ариза топшириш мумкин.

«Тадқиқотларда 86 киши қатнашяпти, улар икки гуруҳга бўлинган: биринчи гуруҳ (43 нафар кўнгилли) «ЭпиВакКорона» вакцинасини, иккинчи гуруҳ (43 нафар кўнгилли) плацебони қабул қилди», — деб ёзмоқда «Интерфакс» «Роспотребнадзор»га асосланиб.

Барча кўнгиллилар 23 суткага шифохонага ётқизилган. Улар ўзларини яхши ҳис этаётгани, умумий реакциялар кузатилмаётгани айтилган.
Агарда «Вектор» маркази вакцинаси октябрда рўйхатдан ўтса, уни ноябрдан кенг кўламли ишлаб чиқаришни бошлашмоқчи.
Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Фикрлар (0)