Бокс. Лазизбек Муллажонов Кункабаевни енгиб, Осиё чемпионига айланди, Жаъфаровда ҳам олтин

^{Фото: Бокс федерацияси}
Иорданиянинг Амман шаҳрида бокс бўйича Осиё чемпионатининг финал баҳслари 12 ноябрь, шанба куни бўлиб ўтди.

-75 кг вазн тоифаси вакили Саиджамшид Жаъфаров финалда Қозоғистон вакили Нурқанат Райис устидан ишончли ғалабага эришиб, олтин медалга эга чиқди.

Одилжон Аслонов (80 кг) мезбонлар вакили Ҳуссейн Эйшайшга ютқазиб қўйди. Мадиёр Саидраҳимов (92 кг) эса қозоғистонлик Айбек Оралбайга енгилиб, кумуш медалга эга чиқди.


Супер оғир вазн тоифасида ҳаракат қилган Лазизбек Муллажонов қозоғистонлик тажрибали Камшибек Кункабаевга қарши рингга чиқди. Унда Муллажонов ғалаба қозониб, Осиё чемпионига айланди.

Шунингдек, Ҳасанбой Дўстматов, Абдумалик Ҳалоков ва Руслан Абдуллаев ўз жангларида ғалаба қозониб, олтин медални қўлга киритди.

Шу тариқа Ўзбекистон эркаклар терма жамоаси Осиё чемпионатида 5 та олтин, 2 та кумуш ва битта бронза билан якунлади.

Ҳасанбой Дўстматов, Абдумалик Ҳалоков, Саиджамшид Жаъфаров, Лазизбек Муллажонов «Замин» янгиликларини «Вконтакти»да кузатиб боринг