Buyuk Britaniyaning sobiq bosh vaziri Boris Jonson CNN Portugal telekanaliga bergan intervyusida ittifoqchilari Rossiya agressiyasi boshlanganidan so‘ng, fevral oyida urush istiqbollariga qanday qaraganligi haqida gapirdi.
«Bu juda katta zarba bo‘ldi... Biz rus qo‘shinlarining taktik guruhlari to‘planishini kuzatdik, ammo turli davlatlar boshqacha munosabatda bo‘lishdi», dedi Jonson.
«Germaniya qachonlardir urush bo‘lsa, tezda tugatib, Ukraina taslim bo‘lgani ma’qul, deb o‘ylagan edi», dedi Jonson.
«Fransuzlar so‘nggi daqiqagacha bunga ishonishmadi», - deya qo‘shimcha qilgan u.
Jonson o‘sha paytda bosh vaziri Mario Dragi bo‘lgan Italiya hukumatini tanqid qildi.
Ular Rossiya uglevodorodlariga qaramliklari tufayli boshqa davlatlarning pozitsiyasini qo‘llab-quvvatlay olmasligini aytishdi, deydi Britaniya sobiq bosh vaziri.
Uning ta’kidlashicha, Rossiya rahbari Rossiya va Ukrainaning go‘yoki «birligi» tufayli «rus tanklarining stvollari Ukrainada gullar bilan bezatiladi» deb o‘zini aldagan.
«Shaharlar vayron bo‘ldi, o‘n minglab begunoh tinch aholi shafqatsiz bombardimonlarda halok bo‘ldi. Maktablar, bolalar bog‘chalari va kasalxonalarga hujumlar. Putin qo‘shinlari ortga chekingan hamma joyda biz uning harbiy jinoyatlarining dalilini ko‘ramiz: muntazam zo‘ravonlik, qiynoq kameralari, minalar va ularni topib olgan tinch aholini mayib qilish uchun mo‘ljallangan tuzoqlar», — dedi Jonson G‘arb davlatlarini Ukrainaga yordam berishdan to‘xtamaslikka chaqirib. “Zamin”ni Telegramʻda oʻqing!
Ctrl
Enter
Xato topdIngizmi
Iborani ajratib Ctrl+Enter tugmasini bosing Mavzuga oid yangiliklar
