Turkiyada mikroavtobus jarlikka qulab, 4 kishi halok bo‘ldi

Turkiyaning Isparta viloyatida mikroavtobus ishtirokida og‘ir yo‘l-transport hodisasi sodir bo‘ldi.

Haber Global xabariga ko‘ra, kuchli yomg‘ir sabab haydovchi boshqaruvni yo‘qotgan va mikroavtobus jarlikka qulab ketgan.

Hodisa oqibatida 4 kishi halok bo‘ldi, 26 kishi turli darajada jarohat oldi.

Jabrlanganlar shifoxonaga yotqizilgan. Ularning 5 nafari og‘ir ahvolda ekani aytilmoqda.

Voqea yuzasidan tergov ishlari olib borilmoqda.