10:50 / 09.12.2014
7 052

Samarqandlik akusher tashlandiq chaqaloqni 450 ming so‘mga sotib yuborgani fosh etildi

Samarqandlik akusher tashlandiq chaqaloqni 450 ming so‘mga sotib yuborgani fosh etildi
Mukarram Ashurova (ism-familiyasi o‘zgartirilgan) Kattaqo‘rg‘on shahridagi tug‘ruq kompleksida bir necha yildan buyon akusher ginekolog vazifasida ishlardi. U o‘z vakolatidan foydalanib, jinoyatga qo‘l urdi. Bu haqida “Inson va qonun” gazetasiga asoslanib, “Batafsil.uz” internet nashri xabar berdi.

Ashurovaning navbatchiligi kuni uning xizmat xonasiga kirgan chamasi 25 yoshli ayol endigina dunyoga kelgan qizalog‘ini qoldirib, o‘zi izsiz yo‘qoladi. Shifokor esa bundan unumli foydalanib, oldindan rejalashtirib qo‘ygan jinoiy xatti-harakatini amalga oshiradi. Ya’ni uzoq yillardan buyon farzand ko‘rishni orzu qilib, o‘qituvchi bo‘lib ishlayotgan Zuhra Rasulovaga chaqaloqni 450000 so‘m evaziga sotib yuboradi. Oilasi saqlanib qolganligidan xursand bo‘lgan o‘qituvchi yuz ming so‘m pora berib, qiz chaqaloq dunyoga kelganligi to‘g‘risida hujjat olishga urinadi. Ammo, jinoyat fosh etilmasdan qolmadi.

Yaqinda jinoyat ishlari bo‘yicha Kattaqo‘rg‘on shahar sudida ushbu jinoiy ish ko‘rib chiqilib, akusher-ginekolog qilmishiga yarasha qonuniy jazo oldi. O‘qituvchi ayolga nisbatan huqm chiqarishda u farzand ko‘rishni astoydil istaganligi, bu ishlarga tushunmay qo‘l urganligi, qizaloqni o‘z onasidek tarbiyalayotganligi, eng muhimi, bu holat tufayli uning oilasi saqlanib qolinganligi sud tomonidan inobatga olindi.

Ctrl
Enter
Xato topdIngizmi?
Iborani ajratib Ctrl+Enter tugmasini bosing
Fikrlar (0)


Yangiliklar » Jamiyat » Samarqandlik akusher tashlandiq chaqaloqni 450 ming so‘mga sotib yuborgani fosh etildi
[/banner_pushhouse