Xonanda Ulug‘bek Rahmatullaev o‘g‘il farzandli bo‘ldi

O‘zbekistonda xizmat ko‘rsatgan artist Ulug‘bek Rahmatullaev o‘g‘il farzandli bo‘ldi. Bu haqda xonandaning ukasi va prodyuseri Dilshod Rahmatullaev jurnalist Feruz Muhammadga ma’lum qildi.

«Bugun tong soat 7:30 da akam o‘g‘il farzandli bo‘ldi. Xudoga shukr, chaqaloq ham, ayollari ham sog‘-salomat», — deydi Dilshod Rahmatullaev.

Ma’lumot uchun, Ulug‘bek Rahmatullaevning Fayzulloh ismli 5 yoshli o‘g‘li hamda 3 yoshli Farzona ismli qizi ham bor.