Saida Mirziyoyeva Afroʻza Hamdamovani jahon chempionatidagi yutugʻi bilan tabrikladi

Nyu-Yorkda boʻlib oʻtgan shaxmatning rapid yoʻnalishi boʻyicha jahon chempionati yakunlandi. Ushbu musobaqada ayollar oʻrtasida 6-oʻrinni oʻzbekistonlik Afroʻza Hamdamova egalladi.

Shu munosabat bilan Prezident yordamchisi Saida Mirziyoyeva Afroʻzani tabrikladi.

«Afroʻza Hamdamovani rapid boʻyicha jahon chempionatidagi ulkan yutugʻi bilan tabriklaymiz!

Atigi 15 yoshida u musobaqaning haqiqiy sensatsiyasiga aylandi, dunyo reytingining Top-20 taligiga kirdi va iqtidor hamda mehnatning chegarasi yoʻqligini isbotladi.

Barakalla, Afroʻza! Sen xalqimizning faxrisan!» – deb yozib qoldirgan Mirziyoyeva. “Zamin” yangiliklarini “Telegram”da kuzatib boring