Arteta yangi loyihaga ishontirmoqda: Karreras transferi qizgʻinlashdi
"Arsenal" klubi "Real Madrid" himoyachisi Alvaro Carrerasni o'z safiga qo'shib olishga jiddiy harakat qilmoqda. Bosh murabbiy Mikel Arteta yosh futbolchiga klubning kelajakdagi loyihasida asosiy rol o'ynashni va'da qilib, uni o'ziga ishontirmoqda. Carrerasning transferi uchun "Manchester Yunayted", "Yuventus" va "Napoli" kabi klublar ham kurashayotgan bo'lsa-da, "Arsenal" uni himoya chizig'ini kuchaytirish uchun muhim qadam deb biladi.
Londonning "Arsenal" klubi transfer bozorida faol harakatni davom ettirmoqda. Jamoa Madridning "Real" klubi himoyachisi Alvaro Karrerasni oʻz tarkibiga qoʻshishga jiddiy qiziqish bildirmoqda. Manbalarga koʻra, “toʻpchilar” futbolchining vakillari bilan allaqachon muzokaralarni boshlagan.
Jamoa bosh murabbiyi Mikel Arteta Karrerasni shaxsan oʻzining kelajak rejalarida muhim boʻgʻin sifatida koʻrmoqda. U yosh himoyachiga “Arsenal” loyihasida asosiy rol oʻynash imkoniyatini vaʼda qilgani aytilmoqda. Bu esa futbolchining qaror qabul qilishida muhim omil boʻlishi mumkin.
23 yoshli ispaniyalik himoyachining "Real Madrid" bilan shartnomasi 2031 yilgacha amal qiladi. Shu sababli uning transferi oson kechmasligi aniq. Biroq “Arsenal” bu kurashda yakka emas — "Manchester United", "Yuventus" va "Napoli" ham futbolchini yaqindan kuzatib bormoqda.
Mutaxassislar fikricha, Karreras zamonaviy futbolda chap qanot himoyasi uchun barqaror va uzoq muddatli yechim boʻlishi mumkin. Uning universalligi jamoaga ham himoyada, ham hujumda qoʻshimcha kuch beradi.
Joriy mavsumda futbolchi barcha musobaqalarda 37 ta uchrashuvda maydonga tushib, 2 ta gol va 2 ta golli uzatma amalga oshirgan. Transfermarkt maʼlumotiga koʻra, uning bozor qiymati taxminan 60 million yevro atrofida baholanmoqda.
Agar bu transfer amalga oshsa, u “Arsenal”ning kelajakdagi katta rejalari uchun muhim qadam boʻlishi va jamoaning himoya chizigʻini sezilarli darajada kuchaytirishi mumkin.
Izohlar 0
…