Real Madrid prezidenti Florentino Pérez o'zining shov-shuvli matbuot anjumanidan so'ng bergan intervyusida Xabi Alonsoning klubdagi qisqa muddatli faoliyati va José Mourinyoning qaytishi haqidagi gap-so'zlarga izoh berdi. Pérez Alonsoni jamoaga taklif qilish xato bo'lmaganini, biroq mavsumoldi tayyorgarliksiz va tig'iz taqvimda jamoa jismoniy holatining pasayib ketgani muammolarni keltirib chiqarganini ta'kidladi. Bu haqda Goal.com xabar beradi.
2025-yil yozida Bayer Leverkusen bilan muvaffaqiyat qozonganidan so'ng Real Madrid boshqaruviga kelgan Xabi Alonso, Superkubokdagi mag'lubiyat va La Ligadagi qoniqarsiz natijalardan so'ng mavsum o'rtasida iste'foga chiqarilgandi. Vinicius Junior bilan yuzaga kelgan kelishmovchiliklar ham uning iste'fosiga sabab bo'lgan omillardan biri sifatida ko'rilmoqda.
Alonso o'rnini egallagan Alvaro Arbeloa qo'l ostida ham jamoa barqarorlikni topa olmadi. Copa del Rey musobaqasidan Albacete tomonidan chiqarib yuborilishi va Chempionlar ligasidagi Bavariya qarshisidagi mag'lubiyat Arbeloaning mavsum oxirida klubni tark etishini deyarli aniq qilib qo'ydi.
Matbuotda José Mourinyoning Real Madridga qaytishi haqida ko'plab xabarlar tarqaldi, hatto ba'zi ekspertlar buni hal qilingan masala deb atashdi. Biroq, Florentino Pérez bu mish-mishlarni rad etib, Mourinyoning klub tarixidagi xizmatlarini hurmat qilishini, ammo hozircha hech qanday qaror qabul qilinmaganini va murabbiylar tayinlash masalasida yakka o'zi qaror qabul qilmasligini bildirdi.
“Zamin”ni Telegramʻda oʻqing!
