Wildberries kompaniyasi va Fun&Sun turoperatori Turkiyada WB Travel brendi ostida toʻrtta mehmonxonani ishga tushirdi. RVB (Wildberries & Russ birlashgan kompaniyasi) matbuot xizmatining maʼlum qilishicha, 2026-yil 15-maydan boshlab sayyohlar Turkiyaning mashhur kurort zonalarida dam olishlari mumkin. Bu haqda Ixbt.com xabar beradi.
Yangi mehmonxonalar qatoriga Side yaqinidagi WB Travel Serra Park, Kemer yaqinidagi WB Travel Pirates Park va WB Travel Anita Matiate, shuningdek, Alaniya tumanidagi WB Travel Club Bayar kiradi. Barcha obyektlar toʻrt yulduzli toifaga ega va «hammasi ichida» tizimi asosida faoliyat yuritadi.
Mehmonxonalarda turar joy binolari, lobbi, restoranlar va umumiy hududlar toʻliq yangilangan. Konsepsiya asosan oilaviy hordiq chiqarishga qaratilgan boʻlib, hududda suv slaydlari boʻlgan basseynlar, oʻyin maydonchalari, bolalar qahvaxonasi va maxsus menyular mavjud.
Yaqin vaqt ichida mehmonxonalarda koʻngilochar va taʼlim dasturlari bilan boyitilgan Toucan bolalar klubi ham oʻz eshiklarini ochadi. Eslatib oʻtamiz, WB Travel brendi ostidagi ilk mehmonxona 2026-yil fevral oyida Misrda ochilgan edi.
“Zamin”ni Telegramʻda oʻqing!
