Narxi 1500 yevro atrofida bo‘lgan yangi Sony Xperia 1 VIII flagman smartfoni sotuvga chiqqanidan ko‘p o‘tmay, jiddiy tanqidlarga uchradi. Mashhur insayder OnLeaks yapon kompaniyasini smartfonning qalinligini ataylab kamaytirib ko‘rsatganlikda aybladi. Bu haqda Ixbt.com xabar beradi.
Sony rasmiy ma’lumotlariga ko‘ra, qurilma korpusining qalinligi 8,3 mm ni tashkil etishi kerak edi. Biroq, professional o‘lchov asboblari yordamida o‘tkazilgan tekshiruvlar natijasida smartfonning haqiqiy qalinligi 8,59 mm ekanligi aniqlandi.
Texnik jihatdan smartfon 120 Hz yangilanish tezligiga ega 6,5 dyuymli displey, 48 megapikselli uchta kamera va Snapdragon 8 Gen 5 protsessori bilan jihozlangan. Shuningdek, qurilma 5000 mA/soat sig‘imli akkumulyatorga ega.
Qurilmaning o‘ziga xos jihatlaridan biri — zamonaviy flagmanlarda kam uchraydigan 3,5 mm li naushnik uyasining saqlab qolingani bo‘ldi. Yangi model yangilangan kvadrat shaklidagi kamera bloki bilan ajralib turadi va to‘rt xil rangda, jumladan, 1 TB xotiraga ega eksklyuziv tilla rangli versiyada taqdim etilgan.
“Zamin”ni Telegramʻda oʻqing!
