Taniqli insayder Digital Chat Station yaqin orada taqdim etilishi kutilayotgan iQOO 15T flagmanining barcha texnik xususiyatlarini ochiqladi. Qurilma 2K aniqlikdagi, 144 Gs yangilanish chastotasiga ega boʻlgan 6,82 dyuymli BOE Q10+ ekrani bilan jihozlanadi. Displey 8T LTPO texnologiyasini qoʻllab-quvvatlaydi, bu esa energiya samaradorligini oshiradi. Bu haqda Ixbt.com xabar beradi.
Smartfonning unumdorligi uchun eng soʻnggi Dimensity 9500 protsessori masʼul boʻladi. Shuningdek, oʻyinlar sifatini yaxshilash uchun maxsus Q3 chipi ham oʻrnatilgan. Qurilmaning asosiy oʻziga xosligi — 100 vattli tezkor quvvatlash tizimiga ega ulkan 8000 mAs sigʻimli akkumulyatordir.
Kamera borasida ham iQOO 15T hayratda qoldiradi: u yirik HP5 sensoriga asoslangan 200 megapikselli asosiy kamera va 50 megapikselli ultra keng burchakli modul bilan taʼminlangan. Selfi ishqibozlari uchun esa 16 megapikselli old kamera koʻzda tutilgan.
Smartfon korpusi metall ramkaga ega boʻlib, u ultratovushli 3D barmoq izi skaneri hamda IP68/IP69 standartlari boʻyicha suv va changdan himoya bilan jihozlangan. Qurilmaning qalinligi versiyasiga qarab 8,25 yoki 8,4 mm, vazni esa 216 yoki 223 grammni tashkil etadi. Flagmanning narxi bugunning oʻzida eʼlon qilinishi kutilmoqda.
“Zamin”ni Telegramʻda oʻqing!
