SpaceX kompaniyasining Starship parvozlar ishonchliligi boʻyicha direktori Shana Diez 12-parovoz davomida jamoa oʻta muhim maʼlumotlarni toʻplashga muvaffaq boʻlganini maʼlum qildi. Parvoz jarayonida Starship dvigatellaridan biri kutilmaganda ishdan chiqqan boʻlsa-da, muhandislar buni tadqiqot missiyasi uchun ijobiy natija deb baholamoqda. Bu haqda Ixbt.com xabar beradi.
Shana Diezning taʼkidlashicha, bunday sinov missiyalarida eng asosiysi maʼlumot olishdir. Dvigatelning nosozlik holatidagi ishlashi va kemaning atmosferaga kirish jarayoni haqidagi koʻrsatkichlar kelajakdagi parvozlar xavfsizligini taʼminlashda katta rol oʻynaydi. Boshqaruv markazidagi qiyinchiliklarga qaramay, Starship barcha toʻsiqlarni yengib oʻtib, muvaffaqiyatli qoʻnishni amalga oshirdi.
Elon Musk ham ushbu sinovdan soʻng Starship kemasining issiqlikdan himoya qoplamasi haqida fikr bildirib, yangi ekran oʻz vazifasini toʻliq bajarganini qayd etdi. Ushbu parvoz davomida raketa orbitaga taxminan 45 tonna ogʻirlikdagi Starlink sunʼiy yoʻldosh simulyatorlarini olib chiqib, oʻziga xos rekord oʻrnatdi.
Shuningdek, kema bortida suratga olish uchun maxsus moslashtirilgan ikkita modifikatsiyalangan Starlink sunʼiy yoʻldoshi ham boʻlgan. Hozirda Federal aviatsiya boshqarmasi (FAA) ushbu parvoz paytidagi dvigatel nosozligi yuzasidan rasmiy tekshiruv oʻtkazish zarurligi borasida yakuniy qaror qabul qilmagan.
“Zamin”ni Telegramʻda oʻqing!
