«Sitilink» riteyleri foydalanuvchilarning noutbuk sotib olishdagi afzalliklarini aniqlash maqsadida tadqiqot oʻtkazdi. Soʻrovnomaga koʻra, xaridorlar bozordagi brendlarni yaxshi tanishadi va bir vaqtning oʻzida bir nechta markani koʻrsatishga qodir. Eng taniqli brendlar qatoridan Asus, Acer, MSI, Huawei va iRU joy oldi. Bu haqda Ixbt.com xabar beradi.
Noutbuk tanlashda xaridorlar koʻproq xorijiy markalarga eʻtibor qaratishmoqda: Asus (45%), Acer (29,6%), MSI (25%), Xiaomi (24,9%), Huawei (23,8%) va Honor (17,2%). Rossiya brendlari orasida esa Digma/Digma Pro (12,7%) va iRU (6,6%) yetakchilik qilmoqda. Foydalanuvchilarning aksariyati qurilmalarni universal maqsadlar (42%) yoki ish (41%) uchun xarid qilishadi.
Tadqiqot natijalariga koʻra, noutbuklarning atigi 3 foizi oʻyinlar uchun, 2,8 foizi oʻqish uchun va 1,5 foizi sovgʻa sifatida sotib olinadi. Tanlovning asosiy mezonlari sifatida texnik xususiyatlar va unumdorlik (92,9%), ishonchlilik (60% gacha) hamda narx (47,8%) koʻrsatilgan. Dasturiy taʻminot va brend imiji respondentlarning 20 foizidan kamrogʻi uchun ahamiyatli, xolos.
Qaror qabul qilish bosqichida salbiy sharhlar va past reyting (73%), brendning nomaʻlumligi (51,9%) hamda yuqori narx (19,6%) asosiy toʻxtatuvchi omillar boʻlib xizmat qiladi. Shuningdek, servis xizmatining mavjudligi ham xaridorlar uchun muhim ahamiyatga ega. Soʻrovnomada Rossiyaning turli hududlaridan 1200 dan ortiq kishi ishtirok etdi.
“Zamin”ni Telegramʻda oʻqing!
