S. P. Korolyov nomidagi “Energiya” raketa-kosmik korporatsiyasi mutaxassislari 2025-yil davomida bo’lajak Oy bazasining shlyuz bo’lmasi va asosiy elementlari uchun turli loyiha ko’rinishlarini tayyorladilar. Bu haqda korporatsiyaning yillik hisobotida ma’lum qilingan. Bu haqda Ixbt.com xabar beradi.
Hisobotga ko’ra, joriy yilda Oyga mo’ljallangan boshqariladigan kosmik apparatlarning tarkibiy qismlarini yaratish bo’yicha ilmiy-texnik baza shakllantirilgan. Mutaxassislar shlyuz bo’lmasining konstruktiv variantlari va bazaning boshqa muhim qismlari bo’yicha o’z takliflarini taqdim etishgan.
“Energiya” korporatsiyasi Rossiyaning yetakchi raketa-kosmik korxonasi bo’lib, u mamlakatdagi barcha boshqariladigan kosmik kemalarning asosiy ishlab chiquvchisi hisoblanadi. Sergey Korolyov asos solgan afsonaviy OKBning bevosita vorisi sifatida ushbu korporatsiya o’n yillar davomida “Soyuz” va “Progress” kemalarini yaratib kelmoqda.
Shuningdek, korporatsiya “Salyut” va “Mir” orbital stansiyalari, Xalqaro kosmik stansiyaning Rossiya segmenti hamda SSSR va Rossiya tarixidagi eng muhim kosmik loyihalarning asoschisi sanaladi. Endilikda ushbu tajriba Oy dasturini amalga oshirishga yo’naltirilmoqda.
“Zamin”ni Telegramʻda oʻqing!
