Бугун, 22 май куни Бухоро вилояти ҳудудида яна ер силкиниши кузатилди. Сейсмологлар маълумотига кўра, кун давомида қайд этилган навбатдаги зилзиланинг магнитудаси 4 баллни ташкил этган.
Маълум бўлишича, ер қимирлаши соат 10:44 атрофида содир бўлган. Зилзила ўчоғи Жондор тумани ҳудудида жойлашиб, Тошкент шаҳридан тахминан 526 километр жануби-ғарбий масофада қайд этилган. Ерости силкинишининг чуқурлиги 10 километрни ташкил қилган.
Мутахассислар келтирган маълумотларга кўра, зилзила айрим ҳудудларда сезиларли даражада ҳис қилинган. Хусусан, Газли шаҳрида 2-3 балл атрофида ер тебраниши кузатилган. Шунингдек, Пешкў, Қоракўл ва Жондор туманларида ҳам ер қимирлаши 2 балл кучида сезилган.
“Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг 
