Фото: Telegram / Вячеслав Гладков
Украина чегараси яқинида жойлашган Белгородда 14 октябр, жума куни содир бўлган зарба оқибатида электр подстанцияси шикастланган. Шаҳарнинг бир қисми электр энергиясиз қолди, деди Белгород области губернатори Вячеслав Гладков.
«Белгород ўққа тутилгандан сўнг 110 кВт қувватга эга подстанция ёниб кетди. Биз оқибатларини имкон қадар тезроқ бартараф этишга ҳаракат қиламиз. Захира манбага ўтишнинг тахминий вақти 4 соатгача. Сув таъминоти нормал, насослар бошқа электр узатиш линияларига ўтди», деб ёзди Гладков.
«Белгородэнерго» корхонаси аниқлик киритишича, ёнғин «Дубовое» подстанциясида содир бўлган. Москва вақти билан соат 20:05 ҳолатига кўра, ёнғин ўчирилди, мутахассислар станцияни қайта улашга киришдилар, деб ёзади Гладков. Москва вақти билан соат 21:00 да электр энергияси яна берила бошланди.
Маҳаллий аҳоли ижтимоий тармоқларда подстанцияга берилган зарба акс этган видеолар ҳамда ёнғин тасвирланган кадрларни жойлаштирган.
Россиянинг Украинага бостириб кириши бошланганидан бери чегарадаги Белгород области вақти-вақти билан ўққа тутиляпти. Расмий Киев Украина томонининг уларга алоқадорлигини тасдиқламаяпти ёки инкор этмаяпти. Минтақада террористик хавфнинг сариқ даражаси мавжуд. Зарбаларнинг кучайиши фонида 17 октябр куни минтақада мактаб ўқувчиларининг навбатдан ташқари таътиллари бошланади. “Замин” янгиликларини “Facebook”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Ўзбекистонлик 17 ёшли қиз дунёнинг етакчи университети олимлари билан тадқиқот олиб бормоқда
Пневматик қуролларни ўз ихтиёри билан топширганлар жавобгарликдан озод этилади
Ўзбекистон собиқ бош прокурорининг қидирувдаги ўғли Дубайда 7,9 млн долларлик кўчмас мулкка эгалик қилади
Украина президенти маҳбусларни сафарбар қилиш тўғрисидаги қонунни имзолади
“Рома” Шомуродов учун яна 8 миллион евро харажат қилади!
Ўзбекистонликлар доимий яшаш учун кўпроқ қайси давлатларга кўчиб кетмоқда?
Мессининг салкам 1 миллион долларга сотилган салфеткаси ҳақида
Шимолий Корея янги кўрсаткичларга эга баллистик ракетани синовдан ўтказди