Германия канцлери Шолц Украинадаги «хаёлий тинчликка» қарши чиқди

^{Фото: Bernd von Jutrczenka/dpa/picture alliance}

Германия канцлери Олаф Шолц Украинада «хаёлий тинчлик» ўрнатилмаслиги кераклиги ҳақида огоҳлантирди. «Биз фақат номигагина тинчлик деб аталадиган дабдабали ечимлардан эҳтиёт бўлишимиз керак», деди у 12 сентябр, сешанба куни Берлинда бўлиб ўтган Sant'Egidio жамиятининг халқаро тинчлик конференциясида сўзлаган нутқида.

«Агар жамият уруш мантиғига амал қилмаса, унда бу - тўғри. Лекин амалда тажовузкордан ҳимояланиш керак. Украиналиклар ҳар куни ўз озодлиги, ўз ватани, ҳаётини ҳукмдорларнинг империяча, тарихан кўр-кўрона хаёлларидан ҳимоя қилади. Аммо украиналиклар тинч келажакка интилишни ҳам ҳис қилмоқда, буни президент Володимир Зеленскийнинг тинчлик режаси тасдиқлайди», деди Шолц.

Федерал канцлер нуфузли давлатларни музокаралар столига ўтказиш мумкин бўлганини маъқуллади, улар ҳозир Украинани тинч йўл билан тартибга солишнинг асосий тамойилларини илгари сурмоқда. «Бу сабр ва вақтни талаб қилади. Россия Украинани бомбардимон қилишда, давом этар экан, бизда ҳақиқатан ҳам вақт йўқ», - деди у.

Украинага ёрдам кўрсатиш

Олаф Шолц яна Украинага ёрдам кўрсатиш жараёнини ҳимоя қилди. «Эркинликсиз дунё зулм деб аталади. Адолатсиз дунё диктатура деб аталади. Биз Украинага қурол етказиб беришни халқаро ҳамкорлар билан жуда яқиндан мувофиқлаштирамиз, аммо бу менинг қонун зўравонликни енгиши керак, аксинча эмас, деган асосий ишончимни ҳеч қандай тарзда ўзгартирмайди». таъкидлади у.

«Биз Украинани ўзини мудофаа қилиш ҳуқуқини керак бўлгунча қўллаб-қувватлаймиз. Мен буни нафақат сиёсий ва стратегик, балки тинч ва ахлоқий нуқтайи назардан ҳам зарур деб биламан», - деди Шолц.

Янгиликлар