Мария Захарова: “Британия Қора денгиздаги ҳужумларни амалга оширишда Украинага ёрдам бермоқда”

^{Фото: “ТАСС”}
Киев режимининг Россия денгиз флотига қарши ҳужумларини Буюк Британия махсус хизматлари бошқариб келган. Бу ҳақда 29 февраль куни Россия Ташқи ишлар вазирлиги матбуот котиби Мария Захарова маълум қилди. Бу ҳақда “ТАСС” нашри хабар берди.

“Аниқланишича, британияликлар АҚШ билан биргаликда Киев режимини нишонлар координаталари билан таъминлаб, кузатувчи вазифасини бажарган. Қора денгиз флотига қарши терактларга келсак, улар том маънода Британия махсус хизматлари кўрсатмаси остида амалга оширилган”, — деган Захарова.

Захаровага кўра, Британия махсус хизматлари Украинада Россияга қарши фаол ишламоқда. Улар тўғридан тўғри терактлар ва ҳужумлар уюштирмоқда. Аввалроқ Кремль матбуот котиби Дмитрий Песков ҳам Буюк Британия Украинага ёрдам бераётгани ва можарода самарали иштирок этаётганини маълум қилган эди. “Замин” янгиликларини “Telegram”да кузатиб боринг