Хитой раҳбари Украинада ўт очишни тўхтатиш тарафдори

^{Фото: Reuters}
Россия—Украина урушида тинчлик музокараларидан сўнг ўт очишни тўхтатишга эришиш керак. Бу ҳақда Хитой раиси Си Цзиньпин Пекинда Венгрия бош вазири Виктор Орбан билан учрашувдан сўнг айтиб ўтди.

Унинг фикрича, халқаро ҳамжамият Москва ва Киев ўртасида тўғридан тўғри мулоқотни тиклашга ёрдам бериши керак.

“Россия—Украина урушида ўт очишни тўхтатиш ва ундан кейинги тинчлик музокаралари барча жабрланувчи томонларнинг манфаатларига жавоб беради”, дея давлат матбуоти Хитой раҳбарининг сўзларидан иқтибос келтирган.

Қайд этилишича, Си Цзиньпин Украинада қандай шароитларда ўт очишни тўхтатиш режими кучга кириши мумкинлиги ва бу жараёнда қайси томонлар иштирок этиши кераклиги ҳақида батафсил маълумот бермаган. ХХР раҳбари бунинг учун “ижобий энергия” кераклигини таъкидлаган.

Аввалроқ Венгрия бош вазири Виктор Орбан ўз ташаббуси билан аввал Киевга, кейин Москвага Россия—Украина можаросини тугатишнинг мумкин бўлган шартларини муҳокама қилиш мақсадида ташриф буюрганди.

Европа Иттифоқи Орбаннинг Россияга ташрифини кескин танқид қилиб, у фақат Венгрия бош вазири вазифасини бажаришини ва Москвада ҳеч қандай ҳолатда ЕИ манфаатларини ҳимоя қилмаслигини маълум қилган.

Орбаннинг Пекинда Си Цзиньпин билан учрашуви олдидан Хитой давлат ОАВ етакчилар “ўзаро манфаатли масалалар бўйича чуқур фикр алмашиши” ҳақида хабар берган. Орбан Х ижтимоий тармоғида Хитой Россия—Украина урушида тинчлик ўрнатиш учун шарт-шароит яратувчи “асосий куч” эканлигини таъкидлаган. “Замин” янгиликларини “Youtube”да кузатиб боринг