Фото: Getty Images
Россияда Суд ижрочилари UFC собиқ чемпиони Ҳабиб Нурмагомедовнинг 79 млн рублга (≈11,6 млрд сўм) тенг мулкини хатлади. Бунга спортчининг Федерал солиқ хизмати (ФСХ) олдидаги 302 млн рубл (≈44,3 млрд сўм) миқдоридаги қарзи сабаб бўлган.
Суд ижрочилари томонидан олиб қўйилган мулклар рўйхатида Нурмагомедовнинг Доғистондаги уйи, шунингдек, 6 та қимматбаҳо автомобили: Ferrari California T, Mercedes-Benz AMG GTS, Mercedes-Benz S-Class, BMW 7, Toyota Land Cruiser ва Toyota Tacoma бор.
Аввалроқ, ФСХ Ҳабиб Нурмагомедовнинг солиқ, пеня ва жарималарни тўламагани учун банк ҳисоб рақамларини ҳибсга олган эди. Бундан ташқари, солиқ хизмати спортчининг бир қанча компанияларини, жумладан туризм фаолияти билан шуғулланувчи «Hikmet Travel»ни ёпди. Бунга расмий ҳужжатлардаги ишончсиз маълумотлар сабаб бўлгани таъкидланмоқда.
Айни дамда Ҳабиб Нурмагомедов Дубайда яшаяпти. У ва унинг жамоаси яқин вақт ичида Доғистонга учиб кетиши режалаштирилган.
Ҳабиб Нурмагомедов 35 ёшда. У аралаш яккакурашларда бирорта ҳам мағлубиятга учрамаган (29 та ғалаба, 19 та жангни муддатидан аввал якунлаган).
Нурмагомедов 2018 йилда ирландиялик Конор Макгрегорни мағлуб этиб, чемпионлик унвонини муваффақиятли ҳимоя қилди. Уларнинг баҳси MMA тарихидаги энг юқори даромад келтирган жангга айланди (умумий даромад 200 миллион доллардан ошиқ).
2020 йил октябр ойида Нурмагомедов фаолиятини якунлаганини эълон қилди. 2022 йил июл ойида у UFC Шон-шараф залига киритилди. “Замин” янгиликларини “Youtube”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Ислом Каримов: «Сен нимага ўйин қиласан?»
Эрон Исроилга таҳдидлар ортидан ўз ҳаво ҳудудини ёпди
“Ҳизбуллоҳ” ўнлаб ракеталар билан Исроил шимолига ҳужум қилди
Эрон Венгрия орқали Исроилга бўлажак ҳужум ҳақида огоҳлантириш юборди
ОАВ: АҚШ ва Исроил Эроннинг зарбасини душанба куни кутмоқда
Эрон олий раҳбари Исроилга тўғридан-тўғри ҳужум қилиш ҳақида буйруқ берди
Яқин Шарқ учун вақт деярли тугади
ҲАМАСнинг янги етакчиси номи яқин кунларда эълон қилинади