Америкалик олимлар гуруҳи Юпитердаги Катта қизил доғ деб номланувчи атмосфера бўронида кўп миқдорда сув борлигини аниқлашди. Бу ҳақда Kun.uz хабар бермоқда.
Тадқиқотчилар Қизил доғни кузатган НАСА IRTF инфрақизил телескопи ва Keck 2 (Гавайи) телескопи маълумотларини таҳлил қилиб чиқишди. Маълум бўлишича, бўрон уч қаватли булутдан иборат бўлиб, уларнинг энг юқори қатлами 5-7 атмосфера босимига эга. Олимларнинг сўзларига кўра, у музлаган сув кристалларидан ташкил топган деб ҳисоблаш учун барча асослар етарли.
Агарда 2016 йилдан буён сайёра атмосферасини ўрганаётган Juno сайёралараро халқаро станцияси мазкур кузатувларни тасдиқласа, у ҳолда Сатурн, Уран ва Нептундан ҳам сув қидириш ишларини бошлаш мумкин.
Қуёш тизимидаги энг улкан атмосфера бўрони бўлган Катта қизил доғнинг узунлиги 40 ва эни 13 минг километрни ташкил этади. Олимлар мазкур ҳодисани сўнгги 300 йилдан буён кузатиб келишади. «Замин»ни Telegram’да ўқинг!
Ctrl
Enter
Хато топдИнгизми
Иборани ажратиб Ctrl+Enter тугмасини босинг Мавзуга оид янгиликлар
