Битта билагига 2 та соат таққан малика Диана. У нега бундай қилган эди?

^{Фото: Getty Images}
Малика Диана ҳар доим ўз позициясини ташқи кўринишидаги биргина элемент билан ифода эта олиши ва ҳамда меҳрибон эканлиги билан шуҳрат қозонган эди, деб ёзади Дарё.

Масалан, расмий ташрифлар чоғида у одамларга яқинроқ бўлиш учун қўлқоп кийишдан бош тортган.
Бир куни фотограф маликани бир қўлига иккита соат тақиб олганини суратга олган. Бу тасодифий ҳолат эмасди. Диана ўзига яқин инсонларга бўлган муҳаббатини махсус белгилар орқали кўрсатишни яхши кўрарди.

Диананинг ушбу сурати 1981 йилда, улар шаҳзода Чарльз билан унаштирилганидан сўнг олинган. Фотограф Виндзордаги поло-клубда ўйнаётган қаллиғига қараб турган маликани суратга олган.

^{Фото: Getty Images}
Битта деталь, яъни маликанинг билагига иккита соат тақилганини ҳисобга олмаса, бу суратда ҳайратланарли ҳеч нарса йўқ.
Маълум бўлишича, ингичка бандли тилла соат Диананинг ўзига, қора рангли соат эса Чарльзга тегишли бўлган.
Малика Диана Чарльзнинг соатини унга ҳурмат рамзи сифатида ҳамда қаллиғига омад келтириши учун таққанини билдирган.

^{Фото: East News}
Диана ва Чарльзнинг никоҳи узоқ давом этмаган бўлса ҳам, бу сурат уларнинг ўртасида муҳаббат ва ўзаро ҳурмат бўлганини кўрсатади. «Замин» янгиликларини «Вконтакти»да кузатиб боринг