Чикагодаги дарёга ташланган 70 минг дона резина ўрдакчалар (видео)

^{Фото: AFP}
Чикагода 70 мингга яқин резина ўрдакча кўприкдан дарёга ташланди — бунинг учун бутун бошли юк машинаси талаб этилган. Аммо бу вандализм акти эмас, балки Special Olympics Illinois нотижорий хайрия ташкилоти томонидан ташкиллаштирилган пойга, деб хабар беради Meduza.

Таъкидланишича, ушбу ташкилот ақлий ривожланишида нуқсони бўлган спортчилар учун беллашув ва машғулотларни ўтказиш билан шуғулланиб келади.

Иштирокчилар беш доллар эвазига пойгада иштирок этиш учун рўйхатдан ўтказилган (резина ўрдак пули ҳам шунинг ичида). Биринчи ўринни эгаллаган ғолибга автомобиль, иккинчи ва учинчи ўринни эгаллаганларга эса Мексикага сафар ва 200 доллардан пул маблағлари берилади.

Special Olympics Illinois ўрдак пойгаси шарофати билан 300 минг доллардан ортиқ маблағ йиғишга муваффақ бўлинган. Йиғилган маблағлар хайрияга сарфланади. “Замин” янгиликларини “Telegram”да кузатиб боринг