Бухоро вилоятида телефон ва интернет орқали содир этилган навбатдаги фирибгарлик ҳолати қайд этилди. Номаълум шахслар бир аёлни алдаб, унинг катта миқдордаги маблағини қўлга киритган.
Маълум қилинишича, фирибгарлар Telegram орқали боғланиб, ўзларини “Марказий банк ходими” сифатида таништирган. Улар аёлга банкдаги омонатлари хавф остида эканини айтиб, маблағни “хавфсиз карта”га ўтказиш кераклигига ишонтирган.
Шундан сўнг жабрланувчи ўз ихтиёри билан турли банкларда сақланган маблағларини кўрсатилган ҳисоб рақамларига ўтказиб берган. Оқибатда у жами 1 миллиард 9 миллион сўмдан айрилган.
Ҳуқуқни муҳофаза қилувчи органлар мазкур ҳолат юзасидан фирибгарлик моддаси билан жиноят иши қўзғатган. Айни пайтда гумонланувчиларни аниқлаш ва ушлаш бўйича тергов ҳаракатлари давом этмоқда.
“Zamin”ни Telegram'да ўқинг!
