Ўзбекистонлик футболчи Абдуқодир Ҳусанов Англиянинг “Манчестер Сити” клубида ўтказилган тадбирлардан бирида оила аъзолари билан иштирок этди. У мазкур учрашувда ўз фарзандини жамоа бош мураббийи Пеп Гвардиолага таништиргани билан эътибор марказига тушди.
Маълумотларга кўра, тадбир давомида Гвардиола Ҳусановнинг оила аъзолари, жумладан унинг фарзанди ва отаси билан ҳам танишган. Ушбу самимий учрашув футбол муҳитида илиқ ва дўстона кайфиятда ўтган.
Шунингдек, суратлар клубдаги махсус тадбир доирасида олинган бўлиб, унда мураббий ва футболчи ўртасидаги яқин муносабатлар ҳам акс этган. Гвардиола Ҳусанов билан хайрлашиш осон бўлмаслигини, унга ўрганиб қолганини ва унинг меҳнатини қадрлашини таъкидлаган.
Тадбирда футболчининг отаси Ҳикмат Ҳошимов ҳам иштирок этиб, оилавий муҳит ушбу учрашувга янада самимийлик бағишлаган.
