Собиқ "Серик Беледиеспор" бош мураббийи Сергей Юран Туркияда муваффақиятли ишлашида Курбон Бердиев берган маслаҳатлар катта ёрдам берганини очиқлади. Қозоннинг "Рубин" клуби собиқ мураббийи Бердиев Шарқ футболчилари билан ишлашда эҳтиёткор бўлиш ва кескин қарорлар қабул қилмаслик кераклигини таъкидлаган.
"Сергей, кўпроқ тингла. Мен биламан, сен ҳиссиётларга берилувчи одамсан.
Лекин кескин чоралар кўрмагин. Ҳаммасини тинчлик билан, босқичма-босқич амалга ошир.
Ўзингнинг йўлингдан бор, аммо бу йўлда кескинликдан сақлан. Ҳаммасига рози бўл, лекин ўзинг билганингни қил", - деган эди Бердиев Юранга.
Шунингдек, Бердиев Юранга жамоанинг тажрибали футболчилари билан кўпроқ мулоқот қилишни маслаҳат берган. Юран "Спорт-Экспресс" нашрига берган интервьюсида, бу маслаҳатлар юз фоиз самара берганини айтди.
Юран "Серик" клубида бир неча ой ишлаган, аммо футболчилар томонидан уюштирилган бойкот ва маошларнинг кечиктирилиши туфайли клубни тарк этган.
Меҳмон гуруҳидаги фойдаланувчилар ушбу мақолага изоҳ қолдира олмайди.
