«Ал-Наср» бош мураббийи Жорже Жезуш Криштиану Роналдунинг яқинлашиб келаётган учрашувда майдонга тушмаслиги сабабини изоҳлади. Бу ҳақда euro-football.ru хабар беради.
Ар-Риёд клуби чоршанба куни ОФК Чемпионлар лигаси доирасида «Аркадаг»га қарши баҳс олиб боради. Португалиялик юлдуз ҳужумчи тез орада майдонга қайтиши кутилаётганди, бироқ бу сафар ҳам у қайдномадан жой олмайди.
Жезушнинг айтишича, жамоа тиғиз тақвимни инобатга олиб, Роналдуга ва асосий таркибдаги бир қатор футболчиларга дам беришга қарор қилган. Мураббий бунинг ортида шанба куни «Ал-Фатеҳ»га қарши ўта муҳим ўйин турганини таъкидлади.
Al Nassr Zone келтирган иқтибосда мутахассис Роналдунинг Саудия Арабистонидан ташқаридаги учрашувларни ўтказиб юбориши янгилик эмаслигини ҳам қайд этган.
Саудия чемпионати доирасидаги «Ал-Фатеҳ» – «Ал-Наср» учрашуви шанба, 14 февраль куни бўлиб ўтади.
“Zamin”ни Telegram'да ўқинг!
