Бавария жамоаси навбатдаги йўқотишга дуч келди. Ҳимоячи Алпҳонсо Давиес мушакларидаги муаммолар сабабли яна бир муддат майдонни тарк этишга мажбур бўлди. Бош мураббий Винсент Компани Вольфцбургга қарши Бундеслиганинг навбатдаги ўйини олдидан ўтказилган матбуот анжуманида канадалик футболчининг сафдан чиққанини тасдиқлади. Бу ҳақда Goal.com хабар беради.
Чемпионлар лигасидаги муваффақиятсиз якунланган ярим финалдан сўнг, Бавария учун бу янгилик жиддий зарба бўлди. Винсент Компани футболчининг қачон қайтиши борасида аниқ муддат бера олмаслигини, тиббий текширув натижалари кутилаётганини таъкидлади. Давиес жорий мавсумда тиззасидаги жиддий жароҳатдан сўнг ўз формасини тиклашда қийналмоқда.
Компани шунингдек, Серге Гнабрй ҳам жароҳати сабабли Вольфцбургга қарши баҳсни ўтказиб юборишини маълум қилди. Бавария аллақачон Германия чемпионлигини қўлга киритган бўлса-да, мураббий жамоа мавсум якунини профессионал тарзда ўтказиши ва ДФБ-Покал финалига тайёргарлик кўриши кераклигини таъкидлади.
Вольфцбург жамоаси эса турнир жадвалида жон сақлаб қолиш учун курашмоқда ва 16-ўринда бормоқда. Бавария учун бу ўйин турнир жадвалидаги ўрнига таъсир қилмаса-да, мураббий таркибдаги муаммоларга қарамай, футболчилардан юқори савиядаги ўйинни талаб қилмоқда.
“Zamin”ни Telegram'да ўқинг!
