Huawei компанияси глобал бозорда тақдим этилган MatePad Pro Max планшетининг Хитой учун мўлжалланган янги версиясини чиқаришга тайёргарлик кўрмоқда. Маҳаллий бозор учун қурилма янада кенгайтирилган хотира имкониятлари ва янги ранглар палитраси билан бойитилади. Бу ҳақда Ixbt.com хабар беради.
Янги моделнинг асосий ўзига хослиги унинг хотира сиғимида намоён бўлади. Фойдаланувчиларга 16 GB тезкор хотира (RAM) ва 1 TB ички хотирага эга вариантлар таклиф этилади. Шунингдек, 20 GB тезкор хотирага эга махсус Коллекторъс Эдитион версияси ҳам тақдим этилиши кутилмоқда. Умуман олганда, планшетнинг етти хил хотира конфигурацияси бозорга чиқарилади.
Қурилма дизайни қора, кулранг ва оқ рангларда тақдим этилади. Техник жиҳатдан планшет HarmonyOS 6.1 операцион тизими ҳамда янги Т93 ёки Кирин 9030 чипи билан жиҳозланиши мумкин. Huawei ушбу моделни компаниянинг энг юпқа флагман планшети сифатида позицияламоқда.
Инсайдерларнинг таъкидлашича, Хитойдаги бошланғич нарх глобал версияга нисбатан арзонроқ бўлади. Шунингдек, Huawei яқин келажакда Mate 70 ва Pura 80 туркумидаги янги смартфонларини ҳам тақдим этишни режалаштирмоқда.
“Zamin”ни Telegram'да ўқинг!
