Volkswagen Груп компаниясининг йирик акциядори ҳисобланган Готион Ҳигҳ-Теч корпорацияси ўзининг янги Гнассент натрий-ионли аккумуляторлар брендини расман намойиш қилди. Ушбу янги технология энергия сақлаш тизимлари бозорида муҳим бурилиш ясаши кутилмоқда. Бу ҳақда Ixbt.com хабар беради.
Компания уч хил турдаги аккумулятор моделларини тақдим этди ва уларни оммавий ишлаб чиқариш линияларини Таншан ҳамда Хефей шаҳарларида йўлга қўйди. Гнассент батареялари 20 000 тагача зарядлаш сиклига бардош бера олади, бу эса уларнинг узоқ муддатли фойдаланиш учун мўлжалланганлигини англатади.
Техник кўрсаткичлар ҳайратланарли: батареялар -40°К совуқда ҳам ўз сиғимининг 88 фоизини сақлаб қолади ва 400°К гача қизиганда ҳам ёниб кетмайди. Бу хусусиятлар уларни экстремал иқлим шароитларида фойдаланиш учун идеал танловга айлантиради.
Гнассент технологияси 90 дан ортиқ патент билан ҳимояланган. Ишлаб чиқариш жараёнида қатламли оксидлар, полианионлар, натрий, марганец ва темир пирофосфатлари каби илғор катод материаллари, шунингдек, қаттиқ углеродли анодлар ва махсус электролит қўшимчаларидан фойдаланилган.
“Zamin”ни Telegram'да ўқинг!
