Таниқли хитойлик инсайдер Digital Chat Station таъминот занжиридаги манбаларга таяниб, Apple компанияси 2027-йилга қадар iPhone дизайнида жиддий ўзгаришлар қилишни режалаштираётгани ҳақида хабар берди. Янги маълумотларга кўра, юбилей смартфони кависли экран билан жиҳозланиши кутилмоқда. Бу ҳақда Ixbt.com хабар беради.
Гап классик "экран-шаршара" ҳақида эмас, балки корпуснинг барча тўрт томонидан қайрилган панел ҳақида кетмоқда. Аввалроқ, келаси йили чиқадиган юбилей iPhone модели 1,1 мм қалинликдаги рамка ва тўрт томондан юмалоқланган экранга эга бўлиши ҳақида ҳам миш-мишлар тарқалган эди.
Эътиборлиси, шунга ўхшаш технологик ечимлардан сўнгги йилларда Android смартфон ишлаб чиқарувчилари кенг фойдаланиб келишган. Samsung Electronикс, Huawei, Vivo ва бошқа брендлар кучли кависли экранли қурилмаларни тақдим этган эди.
Бироқ, вақт ўтиши билан саноат бундай экранлардан воз кеча бошлади. Тасодифий босилишлар, таъмирлашнинг мураккаблиги ва ишлаб чиқариш таннархи юқорилиги сабабли кўплаб компаниялар янада амалий бўлган текис панелларга қайтишган эди. Эндиликда Apple ушбу трендни қайта тиклаши мумкин.
Маълумот ўрнида, Digital Chat Station аввалроқ Xiaomi 15 ва Xiaomi 15 Pro хусусиятларини, шунингдек, Realme GT 7 Pro смартфони ёрқин Samsung экрани билан чиқишини ҳамда Dimensity 9400 чипи Snapdragon 8 Элитедан олдинроқ тақдим этилишини аниқ башорат қилган эди.
“Zamin”ни Telegram'да ўқинг!
