Bugun raketa bo‘lagi Oyga yuqori tezlikda uriladi
Bugun, 5 avgust kuni SpaceX kompaniyasining Falcon 9 raketasining ikkinchi bosqichi Oy yuzasiga soatiga taxminan 8 690 kilometr tezlikda urilishi kutilmoqda. Ushbu raketa qismi 2025 yil yanvar oyida Firefly Aerospace kompaniyasining Oyga qo‘nish apparatini uchirgan va maktab avtobusi hajmida, qariyb 4 tonna og‘irlikka ega. To‘qnashuv Sharqiy Amerika vaqti bilan soat 02:35 da, GMT bo‘yicha 06:35 da yuz berishi hisob-kitob qilingan.
Bugun, 5 avgust kuni SpaceX kompaniyasining koinotda qolib ketgan raketa qismi Oy yuzasiga katta tezlikda urilishi kutilmoqda. Bu haqda Reuters agentligi xabar berdi.
Ma’lum qilinishicha, gap 2025 yil yanvar oyida Firefly Aerospace kompaniyasining Oyga qo‘nish apparatini uchirgan Falcon 9 raketasining ikkinchi bosqichi haqida ketmoqda. Maktab avtobusi hajmidagi va qariyb 4 tonna og‘irlikka ega ushbu qism o‘tgan yildan buyon koinotda nazoratsiz harakatlanib kelgan.
Hisob-kitoblarga ko‘ra, raketa bo‘lagi Sharqiy Amerika vaqti bilan soat 02:35 da (GMT bo‘yicha 06:35) Oy yuzasiga soatiga taxminan 8 690 kilometr tezlikda kelib uriladi. To‘qnashuv natijasida Oy changi havoga ko‘tarilishi mumkin. Mutaxassislarning ta’kidlashicha, bu chang Quyosh nuri ta’sirida yoritilishi ehtimoli bor, ammo uni Yerdan oddiy ko‘z bilan ko‘rish deyarli imkoni yo‘q.
Izohlar 0
…