17:32 / 28.09.2015
11 410

NASA Mars sirlari to‘g‘risidagi ma’lumotlarni oshkor qiladi

NASA Mars sirlari to‘g‘risidagi ma’lumotlarni oshkor qiladi
Amerikaning NASA kosmik tadqiqotlar agentligi Mars sayyorasining sirli jihatlariga bag‘ishlangan hisobotini e’lon qiladi. NASA saytida qayd etilishicha, hisobot 28 sentyabr kuni taqdim etiladi.

Tadqiqot natijalariga bag‘ishlangan brifing agentlikning Vashingtondagi bosh qarorgohida bo‘lib o‘tadi. Unda NASAning planetologiya bo‘yicha direktori Jim Grin, NASAning Marsni o‘rganish bo‘yicha etakchi olimi Maykl Meyer va Atlantadagi Jorjiya texnologiya instituti olimlari ishtirok etadi.

NASA hozircha Marsning aynan qanday siri ochilganini ma’lum qilmadi. CNN ma’lumotiga ko‘ra, gap sayyora sathidagi mavsumiy qora halqalar Mars yuzasida muntazam paydo bo‘luvchi sho‘r suvlarning ta’sirida vujudga kelishi haqida bo‘lishi mumkin.

2014 yilning dekabr oyida NASA marsoxodi bo‘lgan Curiosity (“Qiziquvchan”) Sharp tog‘idagi izlanishlari mobaynida olimlarga bir necha 10 million yillar muqaddam mazkur hududda ko‘l joylashganini isbotlovchi dalillarni yuborgan edi.

Ctrl
Enter
Xato topdIngizmi?
Iborani ajratib Ctrl+Enter tugmasini bosing
Fikrlar (0)


Yangiliklar » Dunyo » NASA Mars sirlari to‘g‘risidagi ma’lumotlarni oshkor qiladi
[/banner_pushhouse