Foto: «Indystar.com»
Isroillik immunolog, professor Yakov Berkun to‘liq sinovdan o‘tgunga qadar COVID-19 vaksinasini ishlab chiqarish xavfli ekanligidan ogohlantirdi. Uning so‘zlariga ko‘ra, ishlab chiqaruvchilarning shoshma-shosharligini epidemiyaning jiddiyligi bilan izohlash mumkin, lekin faqat samarali vaksina yagona to‘g‘ri qaror bo‘lishi mumkin, deb yozadi «RIA Novosti».
Shifokorlarning ta’kidlashicha, aksariyat laboratoriyalar vaksinalarni klinik sinovdan o‘tkazishning majburiy uch bosqichini nazarda tutuvchi mavjud qoidalarga amal qilishyapti. «Ba’zida sinovlar parallel ravishda o‘tkazilmoqda, oldingi bosqich natijalarini kutmasdan, keyingisiga o‘tib ketilmoqda», — dedi u. Biroq pandemiyaning jiddiyligi va virusning yuqori tezlikda tarqalishi olimlarni tadqiqot bosqichlarini qisqartirishga undamoqda.
Uning so‘zlariga ko‘ra, ishlab chiqaruvchilar vaksina ishlab chiqarishda ham to‘g‘ri qaror qabul qilishda tavakkal qilishiga to‘g‘ri keladi. «Dorilarda ham xuddi shunday. Og‘ir kasalliklarda nojo‘ya ta’sirlari ko‘p bo‘lgan dorilardan foydalanamiz. Allergik tumovda esa jiddiy nojo‘ya ta’sirlarni keltirib chiqaruvchi dorilarni berishni xohlamaymiz. Chunki kasallikning o‘zi jiddiy emas», — deb izohlaydi Berkun.
12 iyul kuni Rossiya dunyodagi birinchi koronavirusga qarshi vaksinani sinovdan o‘tkazdi. Umuman olganda, ko‘ngillilar vaksinani yaxshi qabul qilishgan. Vaksina sinovining ikkinchi bosqichi 28 iyulgacha davom etadi. Shundan so‘ng Gamaleya nomidagi ilmiy tadqiqot instituti vaksinani ro‘yxatdan o‘tkazishga hujjat topshiradi.
Xususiy kompaniyalar sentabrning boshlarida yoki o‘rtalarida vaksina ishlab chiqarishni boshlaydi. Lekin uni shu zahoti dorixonalardan sotib olishning iloji bo‘lmaydi.
Manba: Xabar.uz “Zamin” yangiliklarini “Instagram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Ukraina askarlari Zelenskiyning bayonotiga kutilmagan munosabat bildirishdi
Permdagi saylov uchastkasida portlash yuz berdi
Isroilda minglab odamlar garovga olinganlarni ozod qilishni talab qildi
103 yoshli italiyalik ayol haydovchi jarimaga tortildi
Xitoy TIV: AQSH dunyodagi eng yirik dezinformatsiya manbai
Qirg‘iziston prezidenti masjidda namoz o‘qib, iftorlik berdi
Italiya TIV rahbari: "Ukrainaga qo‘shinlarimizni yuborish Uchinchi Jahon urushiga sabab bo‘ladi"
Markaziy bank: 2024 yil oxirigacha inflyatsiya 8−9 foizlik prognoz diapazoni doirasida shakllanadi